Itilize yon espiwomèt

Kòman pou w itilize yon espiwomèt

Etap 1:

• Deplase makè a mete l sou 0. Oswa deplase l mete nan nimewo ki pi ba nan echèl la.

• Kanpe dwat. Pa panche. Si w pa ka kanpe, chita dwat. Asire w ou nan menm pozisyon an chak fwa w ap fè tès la.

Etap 2:

• Si w gen chiklèt oswa manje nan bouch ou, retire yo.

• Rale yon gwo souf dousman.

• Pandan w kenbe souf ou a, mete tib pou al nan bouch ou a nan fant dan w yo. Fèmen po bouch ou byen sere alantou l. Verifye lang ou pa bloke ouvèti a.

• Soufle nan tib ki al nan bouch ou a yon fwa, byen fò epi pi vit ou kapab.

Etap 3:

• Retire espiwomèt la nan bouch ou.

• Gade makè a. L ap deplase sou echèl nimewote a. Ekri nimewo sa a.

• Deplase makè a tounen mete l sou 0, oswa nan nimewo ki pi ba nan echèl la.

• Fè tès la 2 fwa ankò.

• Ekri lekti w yo chak fwa. Mache ak yo lè w pral wè founisè swen sante w la.

  

Atenn pi bon rekò pèsonèl ou

Rekò pèsonèl ou se pi gwo chif ou atenn nan espiwomèt la pandan 2 semèn lè w pa genyen sentòm. Asosyasyon Ameriken Poumon konseye repete etap ki anwo yo 3 fwa, de preferans nan menm moman chak jou. Anrejistre nimewo ki pi wo a. Yo konpare lòt rezilta espiwomèt ou yo ak rekò pèsonèl ou a. Sa ede ou menm ak founisè w la konnen ki jan w ye nan jou w konn gen sentòm yo. Tankou lè w ap itilize yon Plan Aksyon Opresyon dapre enstriksyon founisè swen sante w la. Pou w atenn pi bon nivo rekò pèsonèl ou:

• Etap 1. Verifye espiwomèt ou 2 a 3 fwa pa jou pandan 2 semèn nan menm moman chak jou, si sa posib. Fè sa lè w pa gen okenn sentòm opresyon.

• Etap 2. Ekri lekti espiwomèt yo ak rekò pèsonèl ou a.